दापोली तालुका व्यापारी संघटनेच्या महिला विभागातर्फे महिलांच्या कर्तृत्वाचा गौरव करण्यासाठी ‘नवदुर्गा सन्मान सोहळ्या’चे आयोजन करण्यात आले आहे. बुधवार, 14 ऑक्टोबर रोजी दुपारी ३ ते ५ या वेळेत जालगाव येथील श्री प्रीतिवर्धन मंगल कार्यालयात हा सोहळा पार पडणार आहे.
या कार्यक्रमाला सामाजिक कार्यकर्त्या श्रेया योगेश कदम, दापोलीच्या नगराध्यक्षा कृपा घाग आणि दाभोळ सागरी पोलीस ठाण्याच्या सहाय्यक पोलीस निरीक्षक पूजा हिरेमठ यांची प्रमुख उपस्थिती लाभणार आहे.
महिलांच्या कार्याचा सन्मान आणि त्यांच्या योगदानाला प्रोत्साहन देण्याच्या उद्देशाने या सोहळ्याचे आयोजन करण्यात आले आहे. या कार्यक्रमाच्या माध्यमातून महिलांच्या कर्तृत्वाचा गौरव करण्यासह सामाजिक क्षेत्रातील त्यांच्या योगदानाला व्यासपीठ उपलब्ध होणार आहे.
या सोहळ्याला दापोली तालुक्यातील सर्व व्यापारी बंधू-भगिनींनी मोठ्या संख्येने उपस्थित राहावे, असे आवाहन दापोली तालुका व्यापारी संघटनेच्या महिला विभागाच्या अध्यक्षा कविता मालू, सचिव अस्मिता परांजपे, संघटनेचे अध्यक्ष विनोद आवळे आणि सचिव मिलिंद शेठ यांनी केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
