खेड तालुक्यातील निगडे येथील वेंदात हॉटेलमध्ये मारहाणीची घटना घडली. गोवा येथून आलेल्या पर्यटकांनी भाकरी देण्यास उशीर झाल्यामुळे हॉटेल मॅनेजर जितेंद्र रसाळ यांच्यावर हल्ला चढवला आहे .
पोलिसांकडून मिळालेल्या माहितीनुसार, गोव्यातून एक गट पर्यटक जेवणासाठी हॉटेलमध्ये आले होते. त्यांनी अतिरिक्त भाकरीची ऑर्डर दिली होती.
मात्र, भाकरी शेकण्यात उशीर झाल्यामुळे पर्यटकांना राग आला. त्यांनी हॉटेल मॅनेजर रसाळ यांच्याशी वाद घालून त्यांना मारहाण केली.
यामध्ये रसाळ यांना मुकामार बसला, तर हॉटेलमधील फर्निचरही तुटले. या प्रकरणी रसाळ यांनी खेड पोलिस ठाण्यात फिर्याद दिली आहे.
पोलिसांनी अज्ञात आरोपींविरुद्ध गुन्हा दाखल केला असून, त्यांच्या शोधास सुरुवात केली आहे. या घटनेमुळे खेड परिसरात खळबळ उडाली आहे.
पर्यटकांनी अशा प्रकारे वागणे योग्य नाही, अशी प्रतिक्रिया नागरिकांमध्ये व्यक्त होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
