दाभोळ : कृष्णामामा महाजन प्रतिष्ठान मार्फत आरोग्य तपासणी शिबिराचं आयोजन करण्यात आलं दाभोळ कोळथरे येथील कृष्णामामा महाजन स्मृतिप्रतिष्ठान मार्फत नुकतेच
पंचनदी गावामध्ये मोफत आरोग्य तपासणी शिबिराचे आयोजन करण्यात आले होते. शिबिराचे उद्घाटन पंचनदी ग्रामपंचायत सरपंच संकल्पना शिंदे , उपसरपंच अमित नाचरे , प्रतिष्ठानचे कौस्तुभ दाबके आणि मान्यवर डॉक्टर्सच्या हस्ते पार पडले.
पंचनदीच्या विविध वाड्यांमधील महिला, ज्येष्ठ नागरीक, तरुणी इ. घटकांना डोळ्यासमोर ठेवून या शिबिराचे आयोजन केले गेल्याचे उपाध्यक्ष मिहिर महाजन यांनी सांगितलं. दरम्यान शिबिरात नेत्र तपासणी, डायबिटीस, ब्लड प्रेशर , जनरल चेकअप आणी विशेषत्वाने सर्व महिलांसाठी मोफत हिमोग्लोबिन आणि CBC तपासणी याचा समावेश होता.
नेत्र चिकित्सक डॉ.प्रणेश मोघे, प्रसिद्ध डॉ.निखिल पावसे, डॉ.राठोड यांच्यासह दापोली होमिओपॅथिक कॉलेजचे प्रशिक्षणार्थी डॉक्टर्स, डॉ.रविकांत पवार व टीम देखील सहभागी झाले होती. CBC आणि हिमोग्लोबीन
तपासणीसाठी अमेय लॅबचे बिपीन मयेकर यांनी मोलाचे सहकार्य केलं आहे. हे शिबिर पंचनदीचे ग्रामपंचायत कार्यालयाचे परिसरात आयोजित करण्यात आले होते.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
