चिपळूणमध्ये फसवणूकीचा एक वेगळाच प्रकार समोर आला आहे. आपण पोलिस असल्याचा बनाव करून चिपळुणात दोन अज्ञातांनी एका वृद्धाचे दोन लाखांचे दागिने लंपास केले आहेत.
यामध्ये चार तोळे वजनाचे ब्रेसलेट, चेन, अंगठी असा ऐवज लंपास केला आहे. याप्रकरणी विजय शांताराम सावंत (६८, रा. मार्कंडी, चिपळूण) यांनी चिपळूण पोलिस ठाण्यात दिलेल्या फिर्यादीनुसार, ही घटना १७ सप्टेंबर रोजी ६.१५ वा. मार्कंडी येथे घडली.
याबाबत पोलिसांनी दिलेल्या माहितीनुसार, विजय सावंत हे आपली दुचाकी घेऊन घरी जात असताना त्यांच्या पाठीमागून दोन अज्ञात व्यक्ती मोटारसायकलने आल्या व आम्ही पोलिस आहोत असे सांगून तुमच्या गाडीची कागदपत्रे आणि लायसन्स त्यांना विचारले.
याचवेळी या भामट्या पोलिसांनी, तुम्ही दागिने अंगावर घालून का फिरता? चिपळुणात चोऱ्या वाढल्या आहेत, असे सांगून सावंत यांच्या अंगावरील सोन्याचे दागिने काढून घेऊन तेथून धूम ठोकली.
यानंतर आपली फसवणूक झाल्याचे लक्षात येताच सावंत यांनी पोलिसांत धाव घेतली. यामध्ये दोन लाख किमतीचे दागिने अज्ञातांनी चोरून नेले.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
