मुंबई-गोवा महामार्गावरील अंजणारी पुलावर सोमवारी सकाळी मासळीची वाहतूक करणारा ट्रक उलटल्याची घटना घडली. ट्रकचे ब्रेक फेल झाल्याने चालकाचे वाहनावरील नियंत्रण सुटले आणि ट्रक महामार्गावरच पलटी झाला. या अपघातात चालक किरकोळ जखमी झाला असून, ट्रकमधील मासळीचे मोठ्या प्रमाणावर नुकसान झाले आहे.
मिळालेल्या माहितीनुसार, दापोली येथून मासळी भरून गोव्याच्या दिशेने निघालेला ट्रक (क्रमांक एमएच ०८ डब्ल्यू ४६८६) सोमवारी सकाळी सुमारे सात वाजण्याच्या सुमारास मुंबई-गोवा महामार्गावरून जात होता. अंजणारी पुलाजवळ पोहोचताच ट्रकचे अचानक ब्रेक फेल झाले. त्यामुळे चालकाचे वाहनावरील नियंत्रण सुटले आणि ट्रक महामार्गावर उलटला.
या अपघातात ट्रक चालक सुदीप दुबे (वय २५, मूळ रा. उत्तर प्रदेश, सध्या रा. दापोली) हा किरकोळ जखमी झाला. अपघातामुळे ट्रकमधील मासळी रस्त्यावर अस्ताव्यस्त पसरली. परिणामी मासळीचे मोठ्या प्रमाणावर आर्थिक नुकसान झाले.
अपघातानंतर जखमी चालकाला तातडीने उपचारासाठी पाली येथील ग्रामीण रुग्णालयात दाखल करण्यात आले. घटनेची माहिती मिळताच पोलिसांनी घटनास्थळी धाव घेतली आणि महामार्गावरील वाहतूक सुरळीत केली.
मुंबई-गोवा महामार्गावरील अंजणारी पुलाजवळ घडलेल्या या अपघातामुळे काही काळ परिस्थितीचे गांभीर्य निर्माण झाले होते. सुदैवाने या अपघातात चालकाला किरकोळ दुखापत झाली असून, मोठी जीवितहानी टळली.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
