रत्नागिरी : शहरातील कर्ला मशिदीजवळ राहणारी ७० वर्षीय वृद्ध महिला घरातून कोणालाही काहीही न सांगता बाहेर पडली आणि त्यानंतर घरी परतली नसल्याची घटना समोर आली आहे. कुटुंबीयांनी नातेवाईक तसेच परिसरात शोध घेऊनही महिलेचा ठावठिकाणा लागला नाही. याप्रकरणी रत्नागिरी शहर पोलीस ठाण्यात अज्ञात इसमाविरोधात अपहरणाचा गुन्हा दाखल करण्यात आला आहे.
सुलताना इस्माईल शेख (वय ७०, रा. घर नं. ७८/अ, कर्ला मशिदीजवळ, रत्नागिरी) असे बेपत्ता झालेल्या महिलेचे नाव आहे. त्यांची मुलगी निलोफर जहिर मुकादम (वय ४१) यांनी याबाबत १२ सप्टेंबर रोजी रात्री रत्नागिरी शहर पोलीस ठाण्यात फिर्याद दिली.
पोलिसांनी दिलेल्या माहितीनुसार, १२ सप्टेंबर रोजी दुपारी सुमारे १२.४५ वाजता सुलताना शेख या त्यांच्या राहत्या घरातून कोणालाही काहीही न सांगता बाहेर पडल्या. त्या काही वेळात घरी परततील, अशी कुटुंबीयांना अपेक्षा होती. मात्र, संध्याकाळ झाली तरी त्या घरी परतल्या नाहीत.
यानंतर कुटुंबीयांनी त्यांचा शोध घेण्यास सुरुवात केली. नातेवाईक, परिचित तसेच परिसरातील संभाव्य ठिकाणी शोध घेण्यात आला. मात्र, बराच शोध घेऊनही सुलताना शेख यांचा कोणताही ठावठिकाणा लागला नाही. त्यामुळे अखेर कुटुंबीयांनी पोलिसांत धाव घेत त्यांची तक्रार दाखल केली.
कुटुंबीयांच्या फिर्यादीवरून रत्नागिरी शहर पोलीस ठाण्यात भारतीय न्यायसंहिता अधिनियम २०२३ मधील कलम १४०(३) अन्वये अज्ञात इसमाविरोधात गुन्हा दाखल करण्यात आला आहे. पोलीस उपनिरीक्षक या प्रकरणाचा पुढील तपास करत आहेत.
दरम्यान, ७० वर्षीय वृद्ध महिला बेपत्ता झाल्याने कुटुंबीयांमध्ये चिंतेचे वातावरण आहे. पोलिसांकडून महिलेचा शोध घेण्यासाठी आवश्यक तपास सुरू करण्यात आला असून, त्या कोणत्या दिशेने गेल्या, तसेच त्यांच्याबाबत काही माहिती मिळते का, याचा तपास केला जात आहे.
सुलताना इस्माईल शेख यांच्याबाबत कोणाला काही माहिती मिळाल्यास त्यांनी तात्काळ रत्नागिरी शहर पोलिसांशी संपर्क साधावा, असे आवाहन पोलिसांकडून करण्यात आले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
