मुंबई-गोवा महामार्गावर मद्यप्राशन केलेल्या अवस्थेत चारचाकी वाहन चालविणाऱ्या तरुणावर चिपळूण पोलिसांनी कारवाई करत मोटार वाहन कायद्यान्वये गुन्हा दाखल केला आहे.
ही कारवाई ५ सप्टेंबर २०२६ रोजी रात्री ११.३० वाजण्याच्या सुमारास मुंबई-गोवा महामार्गावरील पाग पॉवर हाऊससमोर करण्यात आली. आरोपी हा आपल्या ताब्यातील गोल्डन रंगाची फोक्सवॅगन कंपनीची व्हेंटो चारचाकी (एमएच ०१ सीटी ११३३) मद्यप्राशन केलेल्या अवस्थेत चालवित असताना पोलिसांना आढळून आला.
याप्रकरणी पोलीस हवालदार प्रितेश प्रकाश शिंदे यांनी चिपळूण पोलीस ठाण्यात फिर्याद दिली आहे. त्यानुसार जहीर रियाज घारे (वय २४, मूळ रा. निगुंडळ, मुस्लिम मोहल्ला, ता. गुहागर, जि. रत्नागिरी; सध्या रा. श्रृंगारतळी बाजारपेठ, ता. चिपळूण) याच्याविरुद्ध मोटार वाहन कायद्यातील कलम १८५ अन्वये गुन्हा दाखल करण्यात आला आहे.
या प्रकरणाची नोंद ६ सप्टेंबर रोजी पहाटे १.५० वाजता करण्यात आली असून, चिपळूण पोलीस पुढील तपास करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
