गुहागर तालुक्यातील वेळंब गुरववाडी येथे कौटुंबिक वादाच्या मानसिक तणावातून एका ५२ वर्षीय व्यक्तीने राहत्या घराच्या पाठीमागील झाडाला गळफास घेऊन आत्महत्या केल्याची दुर्दैवी घटना समोर आली आहे. या घटनेमुळे परिसरात हळहळ व्यक्त होत असून गुहागर पोलीस ठाण्यात आकस्मिक मृत्यूची नोंद करण्यात आली आहे.
पोलिसांनी दिलेल्या माहितीनुसार, लक्ष्मण मधुकर तांबे (वय ५२, रा. वेळंब गुरववाडी, ता. गुहागर) हे आपल्या कुटुंबासह राहत होते. मंगळवारी (२९ जुलै) रात्री साडेनऊच्या सुमारास त्यांचा मुलगा संकेत याच्यासोबत काही कौटुंबिक कारणावरून वाद झाला होता. या वादामुळे ते मानसिक तणावात असल्याचे सांगितले जाते.
यानंतर रात्री ११ ते बुधवारी (३० जुलै) सकाळी ७ वाजण्याच्या दरम्यान त्यांनी घराच्या पाठीमागे असलेल्या शिवणीच्या झाडाला दोरीच्या साहाय्याने गळफास घेऊन आत्महत्या केली. सकाळी ही घटना उघडकीस आल्यानंतर कुटुंबीयांनी पोलिसांना माहिती दिली.
या प्रकरणी त्यांचे भाऊ महेश मधुकर तांबे यांनी गुहागर पोलीस ठाण्यात खबर दिली. पोलिसांनी बी.एन.एस.एस. कलम १९४ अन्वये आकस्मिक मृत्यू क्रमांक ३१/२०२६ अशी नोंद केली असून घटनेचा अधिक तपास सुरू आहे.
जर तुम्ही किंवा तुमच्या ओळखीतील कोणी भावनिक तणाव, नैराश्य किंवा आत्महत्येचे विचार अनुभवत असेल, तर विश्वासू कुटुंबीय, मित्र किंवा मानसिक आरोग्य तज्ज्ञांशी तातडीने संपर्क साधणे महत्त्वाचे आहे. मदत उपलब्ध आहे आणि वेळेवर आधार मिळू शकतो.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
