दापोली तालुक्यातील आडे कोळीवाडा येथे सार्वजनिक सभागृहाची साफसफाई सुरू असताना झालेल्या दुर्दैवी अपघातात एका ३८ वर्षीय महिलेचा विजेचा धक्का लागून मृत्यू झाला. या घटनेमुळे परिसरात हळहळ व्यक्त होत आहे.
मिळालेल्या माहितीनुसार, पुष्पा जगदीश नांदगावकर (वय ३८, रा. आडे कोळीवाडा, ता. दापोली, जि. रत्नागिरी) या २१ जुलै २०२६ रोजी सायंकाळी झेंडेकर मंडळाच्या सार्वजनिक सभागृहात इतर महिलांसह साफसफाईचे काम करत होत्या. यावेळी सभागृहाच्या गॅलरीत त्यांचा पाय घसरून तोल गेला. त्याचवेळी त्यांचा हात सभागृहाच्या बाजूने गेलेल्या विजेच्या मुख्य तारेला लागल्याने त्यांना जोराचा विजेचा धक्का बसला.
घटनेनंतर त्यांना तातडीने उपचारासाठी आंजर्ले येथील डॉ. पाटील यांच्या दवाखान्यात नेण्यात आले. त्यानंतर पुढील उपचारासाठी उपजिल्हा रुग्णालय, दापोली येथे हलविण्यात आले. मात्र, तेथील वैद्यकीय अधिकाऱ्यांनी तपासणीअंती त्यांना मृत घोषित केले.
या प्रकरणी रत्नागिरी आमृत्यू नोंद क्र. ५५/२०२६ अंतर्गत बी.एन.एस.एस. कलम १९४ प्रमाणे नोंद करण्यात आली असून, पुढील तपास सुरू आहे.
या दुर्दैवी घटनेमुळे आडे कोळीवाडा परिसरात शोककळा पसरली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
