पोलादपूर–महाबळेश्वर राज्य महामार्गावरील आंबेनळी घाट (SH-139) अतिवृष्टी आणि दरडी कोसळण्याच्या वाढत्या धोक्यामुळे ३१ जुलै २०२६ पर्यंत सर्व प्रकारच्या वाहतुकीसाठी पूर्णपणे बंद ठेवण्याचे आदेश जिल्हादंडाधिकारी किशन जावळे यांनी जारी केले आहेत. या आदेशाची अंमलबजावणी ७ जुलै २०२६ पासून सुरू झाली आहे.
आंबेनळी घाट हा भूस्खलनप्रवण आणि अतिसंवेदनशील मार्ग असून, महाराष्ट्र राज्य पायाभूत सुविधा विकास महामंडळाचे कार्यकारी अभियंता तसेच पोलादपूर तहसीलदार यांनी सादर केलेल्या अहवालानुसार घाटात दरडी कोसळण्याचा धोका कायम आहे. यापूर्वीही ३ ते ६ जुलै या कालावधीत खबरदारीचा उपाय म्हणून हा मार्ग बंद ठेवण्यात आला होता.
सध्या सुरू असलेल्या संततधार पावसामुळे घाट परिसरात अनेक ठिकाणी दरडी कोसळत असल्याने नागरिकांच्या सुरक्षिततेच्या दृष्टीने हा निर्णय घेण्यात आला आहे. महाडचे उपविभागीय अधिकारी यांनीही हा मार्ग बंद ठेवण्याची शिफारस केली होती.
प्रशासनाचे आवाहन :
वाहनचालकांनी आंबेनळी घाटाचा वापर करू नये तसेच प्रवासासाठी प्रशासनाने सुचविलेल्या पर्यायी मार्गांचा वापर करावा, असे आवाहन करण्यात आले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
