गुहागर : उद्धव बाळासाहेब ठाकरे गटाच्या युवासेनेचे गुहागर तालुका अधिकारी इम्रान घारे यांनी आपल्या पदाचा राजीनामा आमदार भास्कर जाधव यांच्याकडे सुपूर्द केला आहे. पक्षासाठी पुरेसा वेळ देता येत नसल्याचे कारण देत त्यांनी पदाचा राजीनामा दिला असून, पुढेही पक्षाचा निष्ठावान कार्यकर्ता म्हणून कार्यरत राहणार असल्याचे त्यांनी आपल्या राजीनामा पत्रात स्पष्ट केले आहे.
इम्रान घारे हे २०२२ पासून गुहागर तालुका युवासेना अधिकारी म्हणून कार्यरत होते. या काळात त्यांनी तालुक्यात युवकांचे प्रभावी संघटन उभारण्यासाठी काम केले. स्वतःचा व्यवसाय सांभाळत पक्ष संघटनेत सक्रिय भूमिका बजावत त्यांनी अनेक युवकांना पक्षाशी जोडण्याचे काम केले.
विशेषतः आमदार भास्कर जाधव यांचे राजकीय बळ वाढवण्यासाठी युवकांची मजबूत फळी उभारण्यात इम्रान घारे यांचे योगदान महत्त्वाचे मानले जाते. त्यामुळे त्यांच्या राजीनाम्याची तालुक्यातील राजकीय वर्तुळात चर्चा सुरू झाली आहे.
मात्र, पदाचा राजीनामा हा केवळ वैयक्तिक कारणांमुळे आणि पक्षासाठी अपेक्षित वेळ देता येत नसल्यामुळे दिला असल्याचे त्यांनी स्पष्ट केले आहे. तसेच, पुढेही पद नसले तरी शिवसेनेचा कार्यकर्ता म्हणून पक्षासाठी काम करत राहणार असल्याचे त्यांनी आपल्या पत्रातून नमूद केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
