रत्नागिरी शहरातील थिबा पॅलेस रोड परिसरात अंमली पदार्थाचे सेवन करताना एका तरुणाला स्थानिक गुन्हे अन्वेषण शाखेच्या पथकाने ताब्यात घेतले. या प्रकरणी एनडीपीएस कायद्यान्वये गुन्हा दाखल करण्यात आला आहे.
पोलिसांकडून मिळालेल्या माहितीनुसार, १७ जून २०२६ रोजी सायंकाळी ६.२० वाजण्याच्या सुमारास थिबा पॅलेस रोड, ता. जि. रत्नागिरी येथे कारवाई करण्यात आली. स्थानिक गुन्हे अन्वेषण शाखेचे पोलीस हेड कॉन्स्टेबल वैभव गजानन मोरे (वय ३९) यांनी याबाबत फिर्याद दिली आहे.
या कारवाईदरम्यान अदनान शफीक फणसोपकर (वय ३०, रा. कर्ला, मशिदीजवळ, ता. जि. रत्नागिरी) हा अंमली पदार्थ सेवनासाठी वापरण्यात येणारे साहित्य स्वतःजवळ बाळगून त्याचा वापर करताना आढळून आला.
पोलिसांनी त्याच्याकडून एक अर्धवट जळालेला फॉईल पेपर आणि हिरव्या रंगाचे वापरलेले लाईटर असा मुद्देमाल जप्त केला. जप्त करण्यात आलेल्या साहित्याची एकूण किंमत १० रुपये असल्याचे पोलिसांनी नमूद केले आहे.
या प्रकरणी रत्नागिरी शहर पोलीस ठाण्यात गुन्हा क्रमांक २००/२०२६ नुसार अंमली पदार्थ प्रतिबंधक कायदा (एनडीपीएस अॅक्ट १९८५) कलम ८(क) व २७ अंतर्गत गुन्हा दाखल करण्यात आला असून पुढील तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
