चिपळूण शहरातील पाग कासकर आळी परिसरात राहणाऱ्या एका महिलेच्या घरातून सोन्याचे दागिने चोरी केल्याप्रकरणी एका १८ वर्षीय तरुणीविरुद्ध चिपळूण पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, नईमा रफिक झारे (वय ५९, रा. रुम नं. १, शाबीरा मंझील, पाग कासकर आळी, चिपळूण) यांनी याबाबत फिर्याद दिली आहे. दि. ५ जून २०२६ रोजी रात्री ८ वाजल्यापासून ते दि. १४ जून २०२६ रोजी दुपारी १ वाजेपर्यंतच्या कालावधीत हा प्रकार घडल्याचे फिर्यादीत नमूद करण्यात आले आहे.
या प्रकरणात सानिया फारुख झारे (वय १८, रा. पाग कासकर आळी, चिपळूण) हिच्यावर आरोप करण्यात आला आहे. आरोपीने फिर्यादी यांच्या संमतीशिवाय घरात प्रवेश करून बेडरूमचा बंद दरवाजा उघडला व कपाटातील सोन्याचे दागिने चोरून नेल्याचे तक्रारीत म्हटले आहे.
चोरीस गेलेल्या मुद्देमालामध्ये १ लाख २७ हजार ६०२ रुपये किमतीचा सोन्याचा नेकलेस, ४३ हजार ५०७ रुपये किमतीची अंगठी, ३६ हजार २७९ रुपये किमतीची दुसरी अंगठी तसेच १ हजार ५२९ रुपये किमतीची नाकातील पुली असा एकूण २ लाख ८ हजार ९१७ रुपयांचा ऐवज आहे.
या प्रकरणी चिपळूण पोलीस ठाण्यात गुन्हा क्रमांक १७७/२०२६ नुसार घरफोडी व चोरीसंदर्भातील कलमान्वये गुन्हा दाखल करण्यात आला असून पुढील तपास पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
