दापोली तालुक्यातील वणौशी तर्फे नातू गाववाडी येथे बेकायदा गावठी हातभट्टीची दारू साठवून विक्रीसाठी ठेवणाऱ्या एका व्यक्तीवर दापोली पोलिसांनी कारवाई केली. या कारवाईत ३५ लिटर गावठी दारू जप्त करण्यात आली आहे.
पोलिसांनी दिलेल्या माहितीनुसार, दि. १५ जून २०२६ रोजी रात्री ८.३० वाजण्याच्या सुमारास वणौशी तर्फे नातू गाववाडी येथील एका घराच्या मागील बाजूस असलेल्या जुन्या शौचालयाच्या आडोशाला उघड्या जागेत छापा टाकण्यात आला.
या कारवाईत प्रताप गणपत पाठणे (वय ६८, रा. वणौशी तर्फे नातू गाववाडी, ता. दापोली) यांच्याकडे बेकायदेशीररित्या साठवून ठेवलेली गावठी हातभट्टीची दारू आढळून आली. आरोपी हा कोणताही परवाना नसताना दारू विक्रीचा चोरटा व्यवसाय करण्याच्या उद्देशाने हा साठा बाळगत असल्याचे पोलिस तपासात निष्पन्न झाले.
छाप्यात पोलिसांनी ३५ लिटर गावठी हातभट्टीची दारू जप्त केली. जप्त करण्यात आलेल्या दारूची अंदाजे किंमत ३ हजार ५०० रुपये असल्याचे पोलिसांनी सांगितले.
याप्रकरणी दापोली पोलीस ठाण्यात गुन्हा क्रमांक १२१/२०२६ दाखल करण्यात आला असून आरोपीविरुद्ध महाराष्ट्र दारुबंदी कायदा कलम ६५(ई) अंतर्गत कारवाई करण्यात आली आहे.
या प्रकरणाचा पुढील तपास दापोली पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
