खेड तालुक्यातील सापिर्ली-भराडवाडी येथे क्षुल्लक कारणावरून झालेल्या मारहाणीत ६५ वर्षीय वृद्ध जखमी झाल्याची घटना २० मे २०२६ रोजी रात्री ८ वाजण्याच्या सुमारास घडली. भरत कृष्णाजी पालांडे असे जखमी वृद्धाचे नाव आहे.
खेड पोलिसांकडून मिळालेल्या माहितीनुसार, सापिर्ली येथील भरत कृष्णाजी पालांडे (वय ६५) यांनी शेजारी राहणारे सतीश श्रीकांत पालांडे यांच्या मालकीचा आंबे काढण्याचा झेला आरोपींना न विचारता त्यांच्या वडिलांना विचारून आणला होता. याच कारणाचा राग मनात धरून सतीश पालांडे यांनी भरत पालांडे यांना बांबूच्या काठीने पाठीवर मारहाण केली. तसेच हाताने गळा दाबून नखाने चेहऱ्यावर ओरबाडत शिवीगाळ केली. यावेळी फिर्यादी यांच्या आईलाही धक्काबुक्की करण्यात आल्याचे तक्रारीत नमूद करण्यात आले आहे. या मारहाणीत भरत पालांडे जखमी झाले.
याप्रकरणी भरत कृष्णाजी पालांडे यांनी खेड पोलीस स्थानकात फिर्याद दिली असून, त्यानुसार संशयित आरोपी सतीश श्रीकांत पालांडे याच्याविरोधात २१ मे २०२६ रोजी दुपारी ३:१७ वाजता गुन्हा दाखल करण्यात आला आहे. अधिक तपास पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
