दापोली तालुक्यात चोरट्यांचा सुळसुळाट वाढत असून आता देवस्थानांनाही लक्ष्य केले जात आहे. दाभोळजवळील कोळथरे-गोमराई येथील चंडिकानगर परिसरातील चंडिकादेवी मंदिर आणि कालिका देवी मंदिर या दोन प्रसिद्ध मंदिरांमध्ये भरदिवसा घरफोडी झाल्याची धक्कादायक घटना समोर आली आहे.
११ फेब्रुवारी २०२६ रोजी सकाळी ९:३० ते सायंकाळी ६:४५ या वेळेत अज्ञात चोरट्याने मंदिराचे दरवाजे बंद असताना आत प्रवेश करून जड वजनाच्या पितळी घंटा व सीसीटीव्ही कॅमेरा असा एकूण ९६ हजार रुपयांचा मुद्देमाल लंपास केला.
विशेष म्हणजे चोरीची घटना सीसीटीव्हीत कैद होऊ नये, यासाठी चोरट्याने ‘बि प्रो ८०’ कंपनीचा कॅमेरा ५६ जीबी मेमरी कार्ड व जिओ सिमकार्डसह चोरून नेला. पितळी घंटा (सुमारे २० किलो) – ₹४०,००० पितळी घंटा (सुमारे १५ किलो) – ₹३०,००० पितळी घंटा (सुमारे १० किलो) – ₹२०,००० ‘बि प्रो ८०’ सीसीटीव्ही कॅमेरा (५६ GB मेमरी कार्ड व जिओ सिमकार्डसह) – ₹६,००० एकूण मुद्देमाल – ₹९६,००० चा आहे.
या प्रकरणी फिर्यादी सुभाष भिकाजी घुबडे (वय ४६, रा. चंडिकानगर, गोमराई) यांनी दाभोळ पोलीस ठाण्यात तक्रार दाखल केली आहे. त्यांच्या फिर्यादीवरून १२ फेब्रुवारी २०२६ रोजी पहाटे १:५४ वाजता अज्ञात चोरट्याविरुद्ध भारतीय न्यायसंहिता अधिनियम २०२३ चे कलम ३०५, ३३१(३) अन्वये गु.र.नं. ०९/२०२६ नुसार गुन्हा नोंद करण्यात आला आहे. या घटनेमुळे परिसरात खळबळ उडाली असून भाविकांमधून तीव्र संताप व्यक्त होत आहे. पोलिसांकडून अधिक तपास सुरू असून संशयितांचा शोध घेतला जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
