५ फेब्रुवारी रोजी होणाऱ्या जिल्हा परिषद आणि पंचायत समिती निवडणुकांसाठी उमेदवारी अर्ज दाखल करण्याची प्रक्रिया सुरू असून दापोली तालुक्यात आजपासून अर्ज सादरीकरणाला सुरुवात झाली आहे.
दाभोळ–बुरोंडी जिल्हा परिषद गटातून शिवसेनेच्या अधिकृत उमेदवार नम्रता तोडणकर यांनी आपला उमेदवारी अर्ज निवडणूक निर्णय अधिकाऱ्यांकडे दाखल केला आहे. दाभोळ-बुरोंडी गटातून जिल्हा परिषदेसाठी आणि पंचायत समिती गणासाठी नम्रता तोडणकर यांनी उमेदवारी अर्ज भरला आहे. अर्ज सादर करताना गृहराज्यमंत्री योगेश कदम यांच्यासह शिवसेनेचे पदाधिकारी, कार्यकर्ते व समर्थक मोठ्या संख्येने उपस्थित होते.
यावेळी कार्यकर्त्यांमध्ये उत्साहाचे वातावरण दिसून आले. नम्रता तोडणकर या राजकीय क्षेत्रात सक्रिय असून त्यांच्या कार्याची दखल घेत पक्षाने त्यांना अधिकृत उमेदवारी दिली आहे. दापोली तालुक्यात जिल्हा परिषद व पंचायत समिती निवडणुकांच्या पार्श्वभूमीवर राजकीय हालचालींना वेग आला असून, आगामी काळात विविध पक्षांचे उमेदवार अर्ज दाखल करण्याची शक्यता आहे.
उमेदवारी अर्ज दाखल झाल्याने दापोली तालुक्यात निवडणूक रणधुमाळीला अधिकृत सुरुवात झाल्याचे चित्र दिसून येत आहे. अर्ज दाखल करण्याची अंतिम तारीख, छाननी प्रक्रिया व माघार याकडे सर्वच राजकीय पक्षांचे लक्ष लागले आहे. नम्रता तोडणकर यांच्या उमेदवारीमुळे दाभोळ व दापोली परिसरातील राजकीय समीकरणांमध्ये बदल होण्याची शक्यता व्यक्त केली जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
