खेड तालुक्यातील जामगे गाव येथे माजी मंत्री आणि शिवसेना नेते रामदास कदम यांच्या मातोश्रींचे वृद्धापकाळाने दुःखद निधन झाले. लिलाबाई गंगाधर कदम असे त्यांचे नाव असून, त्या गेल्या काही दिवसांपासून प्रकृती अस्वस्थ होती. रविवारी त्यांचे शांतपणे निधन झाल्याची माहिती कुटुंबीयांनी दिली.
लिलाबाई कदम या गृहराज्यमंत्री योगेश कदम तसेच पर्यावरण महामंडळाचे अध्यक्ष सिद्धेश कदम यांच्या आजी. याशिवाय हॅथवे इंटरनेटचे सदानंद कदम आणि जिल्हा परिषद, रत्नागिरीचे बांधकाम सभापती अरुण उर्फ चंद्रकांत कदम यांच्या त्या मातोश्री होत्या.
कदम कुटुंब रत्नागिरी जिल्ह्यात सामाजिक, राजकीय आणि शैक्षणिक क्षेत्रात सक्रिय असल्याने त्यांच्या निधनाने परिसरात शोककळा पसरली आहे.
स्थानिक ग्रामस्थांसह विविध पक्षातील नेते, सामाजिक कार्यकर्ते आणि अनेक मान्यवरांनी जामगे येथे भेट देऊन दिवंगत लिलाबाई कदम यांना विनम्र श्रद्धांजली वाहिली. त्यांच्या आत्म्यास चिरशांती लाभावी, अशी प्रार्थना करत कुटुंबीयांना सांत्वन व्यक्त करण्यात आले.
दिवंगत लिलाबाई कदम यांच्या पश्चात मोठा परिवार असून, त्यांच्या निधनाने कदम कुटुंबास तसेच जामगे परिसराला मोठी हानी झाल्याची भावना नागरिकांनी व्यक्त केली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
