संगमेश्वर तालुक्यातील कळंबस्ते मोहल्ला येथील १७ वर्षीय अय्याज नेवरेकर या तरुण युवकाने आपल्या राहत्या घरी गळफास लावून आत्महत्या करून जगाचा निरोप घेतला. त्याने अचानक असे का? पाऊल उचलले हा अनुत्तरित प्रश्न अनेकांना सतावत असून त्याच्या अशा अचानक जाण्याने परिसरात हळहळ व्यक्त करणेत येत आहे.
संगमेश्वर पोलिसांकडून मिळालेल्या प्राप्त माहितीनुसार बुधवार ता. २६ रोजी सायंकाळी साडेपाचच्या सुमारास अर्श अय्याज नेवरेकर यांनी आपल्या राहत्या घरातील एका खोली मधील सिलिंग पंख्याला ओढणीने स्वतःच्या गळ्याला फास लावून घेतल्याचे शेजारील अरबाज मुरतूझा नेवरेकर यांना दिसून आले.
अरबाज नेवरेकर यांनी त्यांच्या शेजारील नासीर उस्मान दसूरकर यांना अर्श याने गळफास लावल्याचे दिसून आले याची माहिती दिली असता नासीर दसुरकर यांनी खात्री करण्याच्या उद्देशाने घटनास्थळी जाऊन प्रत्यक्ष पाहणी केली असता अर्श हा पंख्याला लटकताना त्यांना दिसून आला,
मात्र तो जीवित असेल असा त्यांचा समज झाल्याने नाशीर दसूरकर यांनी ग्रामस्थांच्या मदतीने त्याला खाली उतरवले आणि तात्काळ स्थानिक डॉक्टर श्री, नगारजी यांना बोलावण्यात आले.डॉ. नगारजी यांनी अर्श ची तपासणी केली असता तो मृत झाल्याचे दिसून आले.या घटनेची खबर श्री नासीर दसुरकर यांनी संगमेश्वर पोलिसांना दिली असता संगमेश्वर पोलिसांनी घटनास्थळी जाऊन पंचनामा केला, आणि उत्तरीय तपासणीसाठी अर्श याचे शव संगमेश्वर ग्रामीण रुग्णालयात पाठवण्यात आले.
संगमेश्वर पोलिस ठाण्यात आकस्मिक मृत्यु म्हणून नोंद करण्यात आली असुन अधिक तपास संगमेश्वर पोलीस ठाण्याचे पोलीस उप अधीक्षक शिवप्रसाद पारवे यांच्या मार्गदर्शनाखाली संगमेश्वर पोलीस ठाण्याचे पोलीस ऊप निरीक्षक श्री,चंद्रकांत टी,. कांबळे करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
