दापोली आगारामध्ये पोलीस मदत कक्षाची निर्मिती करण्यात आली आहे. परंतु हे कक्ष पोलिसांविना असून
या ठिकाणी धुळीचे साम्राज्य निर्माण झाले आहे. यामुळे प्रवाशी वर्गाकडून तीव्र नाराजी व्यक्त होत आहे.
आगारातील प्रवाशांची वाढती गर्दी पाहाता चोऱ्यांचे प्रमाणही वाढत आहे. त्याचबरोबर आगारात येणाऱ्या अडचणी किंवा वाद यामुळे अनेक समस्यांना प्रवाशांना सामोरे जावे लागते. त्यामुळे आगारामध्ये पोलीस कक्षाची निर्मिती करण्यात आली. परंतु या कक्षाचा वापरच होत नसून गेले अनेक दिवस या कक्षाची साधी साफसफाईही करण्यात आलेली नसल्याचे चित्र पहायला मिळत आहे. दापोली आगारामध्ये प्रवाशांसाठी विविध सोयी उपलब्ध होत आहेत. परंतु त्याची देखभाल मात्र रामभरोसे असल्याने नाराजी व्यक्त होत आहे. त्यामुळे पोलीस मदत कक्षाची स्वच्छता ठेवण्याची व येथे कायमस्वरपी पोलीस कर्मचारी नियुक्ती करण्याची मागणी जोर धरत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
