रत्नागिरी तालुक्यातील पूर्णगड सागरी पोलीस ठाण्याच्या हद्दीत अवैध दारूसंदर्भात दोन स्वतंत्र कारवाया करण्यात आल्या आहेत. मावळंगे येथे सार्वजनिक ठिकाणी मद्यपान करताना एकाला, तर नाखरे येथील भगवतीवाडी परिसरात विक्रीच्या उद्देशाने गावठी हातभट्टीची दारू बाळगल्याप्रकरणी दुसऱ्या व्यक्तीला पोलिसांनी कारवाईच्या कक्षेत आणले आहे. या दोन्ही प्रकरणांत १४ ऑक्टोबर २०२६ रोजी गुन्हे दाखल करण्यात आले.
मावळंगे येथे सार्वजनिक ठिकाणी मद्यपान
पहिली घटना १४ ऑक्टोबर रोजी दुपारी सुमारे १२.३० वाजण्याच्या सुमारास मावळंगे ते नातुंडे मार्गावरील गझनेवाडीकडे जाणाऱ्या पाखाडीत घडली. या ठिकाणी अभिषेक नथुराम बिझें (वय ३६, रा. मावळंगे, गझनेवाडी, ता. जि. रत्नागिरी) हा सार्वजनिक ठिकाणी १८० मिली क्षमतेच्या मुंबई माल्ट व्हिस्कीच्या अर्धवट भरलेल्या बाटलीसह मद्यपान करण्यासाठी बसलेला आढळल्याचे पोलिसांच्या तक्रारीत नमूद आहे.
या प्रकरणी पोलीस हवालदार प्रशांत गोविंद लोहळकर यांनी फिर्याद दिली. त्यानुसार पूर्णगड सागरी पोलीस ठाण्यात महाराष्ट्र दारूबंदी कायदा कलम ८४ अन्वये गुन्हा रजिस्टर क्रमांक ८४/२०२६ दाखल करण्यात आला आहे.
नाखरे येथे आठ लिटर गावठी दारू जप्त
दुसरी कारवाई १४ ऑक्टोबर रोजी रात्री सुमारे ९ वाजता नाखरे येथील भगवतीवाडी रस्त्यालगत पायवाटेच्या बाजूला असलेल्या गडग्याच्या आडोशाला करण्यात आली.
या ठिकाणी स्वप्निल एकनाथ पावसकर (वय ४२, रा. भगवतीवाडी, नाखरे, ता. जि. रत्नागिरी) याच्याकडे विक्रीच्या उद्देशाने बेकायदेशीररीत्या गावठी हातभट्टीची दारू असल्याचे पोलिसांच्या तक्रारीत नमूद आहे. पोलिसांनी त्याच्याकडून आठ लिटर गावठी हातभट्टीची दारू जप्त केली असून, तिची अंदाजे किंमत ८६० रुपये आहे.
या प्रकरणी पोलीस हवालदार प्रशांत गोविंद लोहळकर यांच्या फिर्यादीवरून महाराष्ट्र दारूबंदी कायदा कलम ६५(ई) अन्वये गुन्हा रजिस्टर क्रमांक ८५/२०२६ दाखल करण्यात आला आहे.
पूर्णगड सागरी पोलीस ठाण्याच्या हद्दीत एकाच दिवशी घडलेल्या या दोन स्वतंत्र कारवायांमुळे अवैध मद्यपान आणि गावठी दारूच्या विक्रीचा मुद्दा पुन्हा चर्चेत आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
