रत्नागिरी शहरातील मिरकरवाडा जेटी परिसरात अचानक चक्कर येऊन बेशुद्ध पडलेल्या २० वर्षीय नेपाळी तरुणाचा उपचारापूर्वीच मृत्यू झाल्याची दुर्दैवी घटना ३ ऑक्टोबर रोजी सायंकाळी घडली. ईश्वर रामकृष्ण चौधरी (वय २०, मूळ रा. भजनी, जि. कैलाली, नेपाळ; सध्या रा. मिरकरवाडा जेटी, रत्नागिरी) असे मृत तरुणाचे नाव आहे. या घटनेमुळे मिरकरवाडा जेटी परिसरात हळहळ व्यक्त होत आहे.
मिळालेल्या माहितीनुसार, ईश्वर चौधरी हा मिरकरवाडा जेटी परिसरात वास्तव्यास होता. ३ ऑक्टोबर रोजी सायंकाळी सुमारे ५ वाजण्याच्या सुमारास तो जेटी परिसरात असताना अचानक त्याला चक्कर आली आणि तो खाली बेशुद्ध अवस्थेत पडला. अचानक घडलेल्या या प्रकारामुळे परिसरातील नागरिक आणि त्याच्या सहकाऱ्यांची धावपळ उडाली.
ईश्वर बेशुद्ध पडल्याचे निदर्शनास येताच त्याचे सहकारी भरत खुशीराम चौधरी तसेच इतर स्थानिकांनी तातडीने त्याला उपचारासाठी रत्नागिरी येथील शासकीय जिल्हा रुग्णालयात (सिव्हिल हॉस्पिटल) दाखल केले. त्याच्यावर उपचार सुरू करण्यापूर्वीच वैद्यकीय अधिकाऱ्यांनी त्याची तपासणी केली.
मात्र, सायंकाळी सुमारे पावणेसहा वाजता वैद्यकीय अधिकाऱ्यांनी ईश्वर चौधरी याला तपासून उपचारापूर्वीच मृत घोषित केले. अचानक चक्कर येऊन बेशुद्ध पडलेल्या तरुणाचा काही वेळातच मृत्यू झाल्याने त्याच्या सहकाऱ्यांना मोठा धक्का बसला.
या घटनेची माहिती मिळाल्यानंतर रत्नागिरी शहर पोलिसांनी नोंद घेतली आहे. भरत खुशीराम चौधरी यांनी दिलेल्या माहितीनुसार रत्नागिरी शहर पोलीस ठाण्यात भारतीय नागरिक सुरक्षा संहिता (BNSS) कलम १९४ अन्वये आकस्मिक मृत्यू क्रमांक १२५/२०२६ अशी नोंद करण्यात आली आहे.
दरम्यान, तरुणाच्या अचानक झालेल्या मृत्यूचे नेमके कारण काय, याबाबत पोलिसांकडून पुढील कार्यवाही केली जात आहे. या प्रकरणाचा अधिक तपास रत्नागिरी शहर पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
