चिपळूण तालुक्यातील टेरव येथील वेतकोंडवाडी येथे ३७ वर्षीय तरुणाने राहत्या घरी गळफास घेऊन आत्महत्या केल्याची घटना गुरुवारी (१ ऑक्टोबर) घडली. सुनील सीताराम बोलाडे (वय ३७, रा. टेरव वेतकोंडवाडी, ता. चिपळूण) असे मृत तरुणाचे नाव आहे.
मिळालेल्या माहितीनुसार, सुनील बोलाडे यांना दारूचे व्यसन होते. १ ऑक्टोबर रोजी सकाळी ८ ते दुपारी १ वाजण्याच्या दरम्यान घरात अन्य कोणी नसताना त्यांनी राहत्या घरातील पडवीच्या लोखंडी चॅनेलला नायलॉनच्या दोरीच्या सहाय्याने गळफास घेतल्याचे निदर्शनास आले.
कुटुंबीयांच्या हा प्रकार लक्षात आल्यानंतर त्यांना तातडीने कामथे येथील उपजिल्हा रुग्णालयात उपचारासाठी दाखल करण्यात आले. मात्र, वैद्यकीय अधिकाऱ्यांनी तपासणी केल्यानंतर त्यांना मृत घोषित केले.
या घटनेप्रकरणी मृताचे बंधू पांडुरंग सीताराम बोलाडे यांनी चिपळूण पोलीस ठाण्यात माहिती दिली. त्यानुसार पोलिसांनी भारतीय नागरिक सुरक्षा संहिता (BNSS) कलम १९४ अन्वये अकस्मात मृत्यूची नोंद केली आहे. या प्रकरणी अकस्मात मृत्यू क्रमांक ५९/२०२६ अशी नोंद करण्यात आली असून, पुढील तपास चिपळूण पोलीस करत आहेत.
या घटनेमुळे टेरव परिसरात हळहळ व्यक्त होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
