मंडणगड तालुक्यातील दहागाव जाधववाडी येथे घरातील बेडरूममधील कपाटाचे लॉक चावीने उघडून तब्बल ८ लाख ४० हजार रुपये किमतीचे सोन्याचे मंगळसूत्र चोरीला गेल्याची घटना समोर आली आहे.
पोलिसांनी दिलेल्या माहितीनुसार, ही चोरी ५ ऑगस्ट २०२६ रोजी सायंकाळी ७.३० वाजल्यापासून ७ ऑगस्ट रोजी दुपारी २ वाजेपर्यंतच्या कालावधीत फिर्यादी रविंद्र विष्णू जाधव (वय ४५, रा. दहागाव जाधववाडी, ता. मंडणगड) यांच्या घरी घडली.
फिर्यादी यांच्या घरातील बेडरूममधील कपाटाचे लॉक चावीच्या सहाय्याने उघडण्यात आले. त्यानंतर कपाटातील त्यांच्या पत्नीचे काळ्या मण्यांमधील सुमारे ६ तोळे (६० ग्रॅम) वजनाचे सोन्याचे मंगळसूत्र, ज्याची किंमत अंदाजे ८ लाख ४० हजार रुपये आहे, लबाडीच्या इराद्याने चोरून नेण्यात आल्याचे तक्रारीत नमूद करण्यात आले आहे.
या प्रकरणी पवन संभाजी सुतार (वय २७, रा. चांदेवाडी, ता. आजरा, जि. कोल्हापूर) याच्याविरुद्ध मंडणगड पोलीस ठाण्यात गुन्हा दाखल करण्यात आला आहे.
या प्रकरणी गुन्हा रजिस्टर क्रमांक ९४/२०२६ असून, भारतीय न्यायसंहिता अधिनियम २०२३ मधील कलम ३०५(अ) अन्वये गुन्हा दाखल करण्यात आला आहे. गुन्हा २१ ऑगस्ट २०२६ रोजी रात्री ९.१३ वाजता दाखल करण्यात आला.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
