दापोली तालुक्यातील करंजाणी येथे बसथांब्यावर उभ्या असलेल्या तरुणाचे पैशांच्या देवघेवीच्या वादातून अपहरण करून मारहाण केल्याची धक्कादायक घटना उघडकीस आली आहे. या प्रकरणी दापोली पोलिसांत चौघांविरुद्ध गुन्हा दाखल करण्यात आला आहे.
पोलिसांकडून मिळालेल्या माहितीनुसार, गौराबाई बसवराज पवार (वय ५०, रा. करंजाणी, ता. दापोली, जि. रत्नागिरी) यांनी याबाबत तक्रार दाखल केली आहे. त्यांचा मुलगा किरण बसवराज पवार (वय ३०) याचे संशयितांनी अपहरण केल्याचे तक्रारीत नमूद करण्यात आले आहे.
घटना ५ फेब्रुवारी २०२६ रोजी दुपारी सुमारे २.३० वाजण्याच्या सुमारास घडली. किरण पवार हा करंजाणी बसथांब्यावर उभा असताना संशयित शब्बीर मांडलेकर (वय ६०) याच्यासह जिशान शब्बीर मांडलेकर (२८), सुबान शब्बीर मांडलेकर (२१) आणि सरजीन लियाकत मांडलेकर (१८, सर्व रा. म्हाप्रळ, ता. मंडणगड) तसेच अन्य तिघेजण तेथे आले.
संशयितांनी किरण पवार याला “तू पैसे दिले नाहीस तर तुला मारून टाकू” अशी धमकी देत जबरदस्तीने मोटारीत बसवले. त्यानंतर पैशांची मागणी करत त्याला मारहाण करण्यात आली, असे तक्रारीत म्हटले आहे.
या घटनेमुळे परिसरात खळबळ उडाली असून दापोली पोलीस अधिक तपास करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
