रत्नागिरी शहरातील आरोग्य मंदिर परिसरात एका वृद्ध महिलेला पोलीस असल्याची बतावणी करून लुटल्याचा धक्कादायक प्रकार समोर आला आहे. मंगळवारी सकाळी ९ वाजण्याच्या सुमारास घडलेल्या या घटनेत चोरट्यांनी ७१ वर्षीय महिलेची सोन्याची चेन लंपास केली.
विजया श्रीकृष्ण सरदेसाई (रा. नाचणे रोड, पावरहाऊस) यांनी याप्रकरणी रत्नागिरी शहर पोलीस ठाण्यात तक्रार दाखल केली असून, पोलिसांनी दोन संशयित आरोपींविरुद्ध गुन्हा दाखल केला आहे. या घटनेमुळे शहरात मोठी खळबळ उडाली असून नागरिकांमध्ये भीतीचे वातावरण निर्माण झाले आहे. मिळालेल्या माहितीनुसार, २४ फेब्रुवारी रोजी सकाळी ९ वाजता विजया सरदेसाई या दूध आणण्यासाठी आरोग्य मंदिर येथे जात होत्या.
यावेळी हेल्मेट परिधान केलेले दोन इसम त्यांच्याजवळ आले आणि त्यांनी परिसरात खून व चोरी झाल्याची खोटी भीती घातली. सुरक्षेच्या कारणास्तव तुमच्या जवळील दागिने काढून जपून ठेवा, अशी बतावणी या तोतया पोलिसांनी केली. महिलेने विश्वास ठेवून गळ्यातील सोन्याची चेन काढली असता, त्या दोघांनी अत्यंत शिताफीने हातचलाखी करून ती चेन आपल्या ताब्यात घेतली आणि तिथून पळ काढला.
आपली फसवणूक झाल्याचे लक्षात येताच महिलेने तातडीने पोलिसांशी संपर्क साधला. शहर पोलिसांनी या चोरीची गंभीर दखल घेतली असून चोरट्यांचा शोध घेण्यासाठी तपास सुरू केला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
