मंडणगड तालुक्यातील पालवणी चेकपोस्ट परिसरात एका १८ वर्षीय तरुणीने गळफास घेऊन आत्महत्या केल्याची दुर्दैवी घटना मंगळवार, दिनांक १८ फेब्रुवारी रोजी सायंकाळी उघडकीस आली. ऐश्वर्या किसन पवार (वय १८, मूळ रा. यड्रामी, जि. कलबुर्गी, कर्नाटक; सध्या रा. पालवणी फाटा, मंडणगड) असे मृत तरुणीचे नाव आहे. ऐश्वर्या ही सकाळी सुमारे
१०:३० वाजता आपल्या राहत्या घरातून बाहेर पडली होती. मात्र सायंकाळी ७:३० वाजण्याच्या सुमारास पालवणी चेकपोस्ट येथील बैठकीच्या हॉलजवळ असलेल्या काजूच्या झाडाच्या फांदीला ओढणीच्या साहाय्याने तिने गळफास घेतल्याचे आढळून आले.
घटनेची माहिती मिळताच पोलिसांनी घटनास्थळी धाव घेत पंचनामा केला. या प्रकरणी मंडणगड पोलीस ठाण्यात आकस्मिक मृत्यूची नोंद (बी.एन.एस.एस. १९४) करण्यात आली आहे. आत्महत्येमागील नेमके कारण अद्याप अस्पष्ट असून पोलीस अधिक तपास करत आहेत.या घटनेमुळे परिसरात हळहळ व्यक्त होत असून ऐश्वर्याच्या निधनाने कुटुंबीयांवर शोककळा पसरली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
