महावितरणच्या संगमेश्वर उपविभागांतर्गत शुक्रवारी, १३ फेब्रुवारी २०२६ रोजी तांत्रिक दुरुस्ती आणि सुधारणांच्या कामासाठी शहर व परिसरात सकाळी १० ते संध्याकाळी ६ वाजेपर्यंत वीजपुरवठा बंद ठेवण्यात येणार आहे. यामध्ये संगमेश्वर हायवे परिसरातील रोहित्राचे (ट्रान्सफॉर्मर) खांब उभे करणे, रोहित्राचे स्थलांतर करणे आणि संगमेश्वर बाजारपेठेला वीजपुरवठा करणारी पर्यायी केबल बदलणे यांसारखी महत्त्वाची कामे केली जाणार आहेत.
या नियोजित कामामुळे संगमेश्वर शहरासह मौजे आणि कोंड असुर्डे परिसरातील वीजपुरवठा आठ तास बंद राहणार आहे.
वास्तविक, गुरुवारी बारावीची महत्त्वाची परीक्षा असल्याने विद्यार्थ्यांच्या अभ्यासात कोणताही व्यत्यय येऊ नये, या सामाजिक जाणिवेने महावितरणने हे काम गुरुवारी न करता शुक्रवारी करण्याचे ठरवले आहे. तसेच शुक्रवारी संगमेश्वरची बाजारपेठ बंद असते, त्याचा विचार करून ग्राहकांची गैरसोय टाळण्यासाठी हे नियोजन करण्यात आले आहे.
या कामाबाबतची पूर्वकल्पना महावितरणकडून संगमेश्वर ग्रामपंचायतीला देण्यात आली आहे. दरम्यान, तांत्रिक कामे निर्धारित वेळेच्या आधी पूर्ण झाल्यास वीजपुरवठा लवकर पूर्ववत केला जाऊ शकतो. ग्राहकांनी या दुरुस्तीच्या कामासाठी महावितरणला सहकार्य करावे, असे आवाहन महावितरण संगमेश्वर विभागातर्फे करण्यात आले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
