रत्नागिरी तालुक्यातील सांडेलावगण (वाकणवाडी) येथे एका ३६ वर्षीय तरुणाने राहत्या घरी गळफास घेऊन आत्महत्या केल्याची घटना घडली. ही बाब रविवार, १ फेब्रुवारी रोजी सायंकाळी साडेसातच्या सुमारास उघडकीस आली. याप्रकरणी जयगड पोलीस ठाण्यात आकस्मिक मृत्यूची नोंद करण्यात आली आहे.
संतोष यशवंत पवार (वय ३६, रा. सांडेलावगण वाकणवाडी, ता. रत्नागिरी) असे आत्महत्या केलेल्या तरुणाचे नाव आहे. याबाबत त्याचा भाऊ राकेश यशवंत पवार यांनी पोलिसांना माहिती दिली. संतोष हा अविवाहित असून विभक्त अवस्थेत एकटाच राहत होता. सन २०१३ मध्ये झालेल्या अपघातात त्याचा एक पाय निकामी झाल्याने तो अपंग झाला होता. तसेच त्याला दारूचे व्यसन होते, अशी माहिती पोलिसांनी दिली.
रविवार सायंकाळी राकेश पवार हे संतोष राहत असलेल्या खोलीलगतच्या देवघरातील दिवा लावण्यासाठी गेले असता, संतोष खोलीत छताच्या वाशाला दोरी बांधून गळफास घेतलेल्या अवस्थेत आढळून आला. घटनेची माहिती मिळताच जयगड पोलिसांनी घटनास्थळी भेट देत पंचनामा केला. पुढील तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
