दापोली तालुक्यातील बोरीवली–आडीवाडी येथील सातमाई नव्हणकरीण देवीच्या मंदिरात चोरी झाल्याचा प्रकार समोर आला असून, या घटनेमुळे परिसरात चिंतेचे वातावरण निर्माण झाले आहे. अज्ञात चोरट्याने मंदिरातील पितळी घंटा व तांब्याचे भांडे चोरून नेल्याचे उघड झाले आहे.
ही चोरी १९ जानेवारी २०२६ रोजी रात्री ८ वाजेपासून २० जानेवारी २०२६ रोजी सायंकाळी ७ वाजेच्या दरम्यान घडल्याचा अंदाज आहे. चोरट्याने मंदिरात प्रवेश करून सुमारे ३ किलो वजनाची पितळी घंटा (अंदाजे किंमत ५,५०० रुपये) तसेच सुमारे २ किलो वजनाचे तांब्याचे पसरट भांडे (अंदाजे किंमत ३,५०० रुपये) असा एकूण ९,००० रुपयांचा मुद्देमाल लंपास केला.
या प्रकरणी गजानन रामचंद्र देपोलकर (वय ५०, रा. बोरीवली–आडीवाडी) यांनी २ फेब्रुवारी रोजी रात्री ८.१२ वाजता दाभोल पोलीस ठाण्यात फिर्याद दिली आहे. त्यांच्या तक्रारीवरून अज्ञात चोरट्याविरुद्ध गुन्हा दाखल करण्यात आला असून, दाभोल पोलीस पुढील तपास करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
