करंबेळे-देवरुख (ता. संगमेश्वर) येथे रिक्षावरिल ताबा सुटून अपघात झाला. या अपघातामध्ये चालकासह त्याची पत्नी व आई जखमी झाली. अधिक उपचारासाठी जिल्हा शासकीय रुग्णालयात दाखल करण्यात आले आहे. ही घटना गुरुवारी (ता. १५) सकाळी साडेदहाच्या सुमारास करंबेळे रस्त्यावर घडली.
पोलिसांकडून मिळालेल्या माहितीनुसार रिक्षा चालक साईप्रसाद महादेव लिंगायत हे रिक्षा (क्र. एमएच-०८ एक्यू ७९७७) सोबत पत्नी सई व आई रेश्मा यांना घेऊन देवरुख येथे जात होता. करंबेळे रस्त्यावर अचानक त्याचा रिक्षावरिल ताबा सुटून अपघात झाला. या अपघातामध्ये चालक साईप्रसाद याच्यासह पत्नी व आई जखमी झाली. तात्काळ त्यांना उपचारासाठी देवरुख येथील प्राथमिक आरोग्य केंद्रात दाखल केले होते. अधिक उपचारासाठी जिल्हा शासकीय रुग्णालयात दाखल कऱण्यात आले असून त्यांच्यावर उपचार सुरु आहेत. या प्रकरणी जिल्हा रुग्णालयाच्या पोलिस चौकीत अपघाताची नोंद करण्यात आली आहे.
घटनेची माहिती मिळताच देवरुख पोलिसांनी तातडीने घटनास्थळी धाव घेत पंचनामा केला. जखमींना सुरुवातीला देवरुख ग्रामीण रुग्णालयात नेण्यात आले होते, मात्र अधिक उपचारांची गरज असल्याने त्यांना तातडीने जिल्हा रुग्णालयात हलवण्यात आले असल्याची माहिती रुग्णालयाकडून देण्यात आली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
