मंडणगड तालुक्यात एका महिलेला धमकावत तिच्याशी लज्जास्पद वर्तन केल्याप्रकरणी संजय बाबूराव राणे (वय ६०, रा. साईनगर, मंडणगड) याच्याविरोधात मंडणगड पोलीस ठाण्यात गुरुवारी (दि. ११ डिसेंबर २०२५) गुन्हा दाखल करण्यात आला आहे.
तक्रारदार महिलेने पोलिसांना दिलेल्या माहितीनुसार, दि. ११ डिसेंबर रोजी दुपारी १.३० ते २.३० या सुमारास त्या नेहमीप्रमाणे आपल्या कामावर असताना संजय राणे त्यांच्या दुकानाजवळ आला. नगरपंचायतीत दिलेल्या तक्रारीबाबत महिलेनं विचारणा केली असता आरोपीने अश्लील शिवीगाळ सुरू केली.
“तू मला कोण विचारणारी? तक्रार मागे घ्यायची असेल तर पन्नास हजार रुपये दे,” अशी धमकी त्याने दिल्याचे तक्रारीत नमूद आहे.
याचवेळी आरोपीने महिलेला लज्जा उत्पन्न होईल असे वर्तन करत तिच्या अंगावर धाव घेत गळ्यातील मंगळसूत्र ओढून तोडले. हा प्रकार पाहून एका व्यक्तीने हस्तक्षेप करण्याचा प्रयत्न केला असता आरोपीने त्यालाही अश्लील शिवीगाळ केली व, “माझ्यात पडू नका, नाहीतर तुम्हालाही संपवून टाकीन,” अशी धमकी दिली. या प्रकरणी भारतीय न्याय संहिता अधिनियम २०२३ मधील कलम ७४, १३१, ३५२ व ३५१(२) अन्वये गुन्हा नोंद करण्यात आला आहे. पुढील तपास पोलीस निरीक्षक नितीन गवारे यांच्या मार्गदर्शनाखाली सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
