दापोली तालुक्यातील करंजाळी येथे ट्रॅक्टरच्या ट्रॉलीखाली येऊन कन्हैया लकडू वनवासी (35) या तरुणाचा मृत्यू झाल्याची घटना 15 नोव्हेंबर रोजी सायंकाळी पाचच्या सुमारास घडली. या प्रकरणात ट्रॅक्टर चालक राजेश कमला वनवासी (36, मूळ रा. सराई मरेज हादिया, जिल्हा इलाहाबाद – उत्तर प्रदेश, सध्या करंजाळी) याच्याविरुद्ध गुन्हा दाखल करण्यात आला आहे.
या बाबत फिर्याद रामबहादूर नंदलाल वनवासी यांनी पोलिसांत नोंदवली. त्यांच्या तक्रारीनुसार, 15 नोव्हेंबर रोजी सायंकाळी ट्रॅक्टर चालक राजेश वनवासी हा चिरे भरलेली ट्रॉली जोडलेल्या ट्रॅक्टरवरून तीव्र उताराच्या कच्च्या सार्वजनिक रस्त्याने अवाजवी वेगात आणि निष्काळजीपणे वाहन चालवत होता.
याचवेळी ट्रॅक्टरमध्ये शेजारी बसलेला कन्हैया वनवासी तोल जाऊन खाली पडला आणि ट्रॉलीच्या चाकाखाली येऊन गंभीर जखमी झाला. त्याचा घटनास्थळीच मृत्यू झाला.
या अपघातानंतर ट्रॅक्टर चालक राजेश वनवासी याच्यावर गुन्हा नोंदवण्यात आला असून पुढील तपास दापोली पोलिसांकडून सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
