ब्रिलियन्ट कॅरियर अकॅडमी, दापोली व रोटरी क्लब, दापोली यांच्या संयुक्त विद्यमाने आयोजित तालुकास्तरीय वक्तृत्व स्पर्धेत पूज्य साने गुरुजी विद्या मंदिर, पालगड हायस्कूलचा विद्यार्थी वेद प्रमोद चव्हाण (इयत्ता 10 वी) याने इयत्ता 8 वी ते 10 वी गटात प्रथम क्रमांक पटकावला.
तसेच अन्वय प्रसाद पावशे (इयत्ता 6 वी) याला इयत्ता 5 वी ते 7 वी गटात उत्तेजनार्थ पारितोषिक मिळाले. ही स्पर्धा विद्या प्रसारक मंडळ, मराठा मंदिर, दापोली येथे पार पडली. वेद चव्हाण याने “मी पर्यावरण रक्षक” या विषयावर प्रभावी विचार मांडून परीक्षक व श्रोत्यांची मनं जिंकली. तर अन्वय पावशे याने “विज्ञान आणि तंत्रज्ञान — शाप की वरदान” या विषयावर आपले विचार मांडले.
दोन्ही विद्यार्थ्यांना शाळेचे ज्येष्ठ शिक्षक दत्तप्रसाद गुरव सरांचे मार्गदर्शन लाभले. स्पर्धेत प्रथम क्रमांक विजेत्यास ₹2,000 रोख रक्कम, प्रमाणपत्र आणि आकर्षक ट्रॉफी, तर उत्तेजनार्थ विजेत्यास प्रमाणपत्र, भेटवस्तू व ट्रॉफी देऊन गौरविण्यात आले.यावेळी विद्या प्रसारक मंडळ, दापोलीचे अध्यक्ष सुनिल दळवी, ब्रिलियन्ट कॅरियर अकॅडमीचे अध्यक्ष राजपुरे, रोटरी क्लब दापोलीचे अध्यक्ष विनोद तलाठी, अकॅडमी प्रमुख संदीप खोचरे,
. लीना खोचरे, कुणाल मंडलिक, शाळेचे मुख्याध्यापक अरविंद मांडवकर, तसेच प्रमुख पाहुणे पोलीस निरीक्षक महेश तोळसकर व राजकुमार यादव यांच्या हस्ते विजेत्यांना गौरविण्यात आले.
साने गुरुजी एज्युकेशन सोसायटी, पालगडचे अध्यक्ष शरद रावजी केळकर, उपाध्यक्ष अशोक करंदीकर, मुख्याध्यापक प्रसाद पावशे, तसेच शिक्षकवृंद व शिक्षकेतर कर्मचारी यांनी विद्यार्थ्यांचे मनःपूर्वक अभिनंदन केले.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
