दापोली तालुक्यातील जालगाव चोरगेवाडी येथे दारूच्या नशेतून दुकानात घुसून तोडफोड तसेच शिवीगाळ करत धमकावल्याची घटना घडली असून या प्रकरणी दोन जणांविरुद्ध दापोली पोलीस ठाण्यात अदखलपात्र गुन्हा नोंदविण्यात आला आहे. ही घटना ५ नोव्हेंबर २०२५ रोजी रात्री सुमारे नऊच्या सुमारास घडली.
या प्रकरणी केतन एम. के. (वय ३५, रा. जालगाव चोरगेवाडी) यांनी दिलेल्या तक्रारीनुसार, आरोपी राहुल गोपीदास आणि त्याचा साथीदार जायजू (पूर्ण नाव उपलब्ध नाही) हे दोघेही दारूच्या नशेत दुकानात आले. त्यांनी कोणत्याही कारणाशिवाय शिवीगाळ करत दुकानातील साहित्याची तोडफोड केली.
याच दरम्यान राहुल गोपीदास यांनी तक्रारदारास फोनवर अश्लील भाषा वापरत जीवितास धोका होईल अशा धमक्या दिल्याचे नमूद आहे.
तक्रारीच्या आधारे दापोली पोलिसांनी अदखलपात्र गुन्हा रजिस्टर नंबर ४७६/२०२५ नुसार बी.एन.एस. कलम ३२४(४), ३५१(४), ३५२.३(५) अंतर्गत नोंद केली आहे. या प्रकरणाचा अधिक तपास वरिष्ठांच्या आदेशानुसार सपोफी/७२७ गायकवाड यांच्याकडे सोपविण्यात आला आहे.
या घटनेमुळे परिसरात काही काळ भीतीचे वातावरण निर्माण झाले होते. पुढील तपास सुरू असून आरोपींवर योग्य ती कायदेशीर कारवाई करण्यात येणार असल्याची माहिती पोलिस सूत्रांनी दिली आहे.
दरम्यान, संशयित राहुल गोपीदास हा ‘क्वालिटी बेकर्स’ या नामांकित बेकरीचा मालक असल्याचे समजते. नेमका वाद कशामुळे झाला याचा तपास दापोली पोलिसांकडून सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
