महाड-विन्हेरे राज्य मार्गावर कुरले गटातील हॉटेल हिल टाऊनजवळ बुधवारी सायंकाळी सुमारास पाच वाजताच्या सुमारास एसटी बस (MH-06-AS-8483) आणि मारुती एस-एक्स-4 कार (MH-05-AX-3431) यांच्यात भीषण समोरासमोर धडक झाली.
दापोलीहून पुण्याकडे जाणारी पिंपरी चिंचवड आगाराची एसटी बस आणि समोरून येणारी कार यांच्यात झालेल्या जोरदार धडकेचा आवाज संपूर्ण परिसरात घुमला. या अपघातात कारमधील प्रवाशांना किरकोळ दुखापत झाली असून, सुदैवाने मोठी जीवितहानी टळली आहे.
अपघातानंतर काही काळ मार्गावरील वाहतूक विस्कळीत झाली होती. स्थानिक नागरिक आणि पोलीसांनी घटनास्थळी तात्काळ धाव घेत वाहतूक सुरळीत केली.
गेल्या मे महिन्यापासून या मार्गावर अपघातांची मालिका सुरूच असून, ऑक्टोबर महिना संपत आला तरीही अपघातांना आळा बसलेला नाही. या रस्त्यावरील धोकादायक वळणं, वाहतूक व्यवस्थेचा अभाव आणि रस्त्याची दुरवस्था हेच अपघातांचे प्रमुख कारण असल्याचे स्थानिकांचे म्हणणे आहे. नागरिकांनी प्रशासनाकडे तातडीने उपाययोजना करण्याची मागणी केली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
