चिपळूण तालुक्यातील कापसाळ-माटेवाडी येथे एक हृदयद्रावक घटना घडली आहे. केवळ दोन दिवसांच्या नवजात बालिकेचा झोपेतच मृत्यू झाल्याने परिसरात शोककळा पसरली आहे. ही घटना २८ ऑक्टोबर रोजी पहाटे सुमारे ४.४५ वाजता उघडकीस आली.
फिर्यादी अरुण अशोक राणे (मूळ रा. तोंडलीपिलवली, मिरवणेवाडी, ता. चिपळूण, जि. रत्नागिरी) सध्या कापसाळ-माटेवाडी येथे वास्तव्यास आहेत. त्यांच्या पत्नी सोनाली अरुण राणे यांनी २५ ऑक्टोबर रोजी मार्कडी येथील हजबे डॉक्टर यांच्या रुग्णालयात एका बालिकेला जन्म दिला होता. प्रसूतीनंतर २६ ऑक्टोबरच्या रात्री आई व मुलीला डिस्चार्ज मिळाला आणि दोघी घरी परतल्या.
२७ ऑक्टोबरच्या रात्री सुमारे ११ वाजता सोनाली यांनी बाळाला दूध पाजून झोपवले. मात्र, पहाटे ४.४५ वाजता बाळाची हालचाल थांबलेली व रडणे बंद असल्याचे त्यांनी पाहिले.
त्यांनी तातडीने पतीला माहिती दिली. तत्काळ बालिकेला उपचारासाठी कामथे हॉस्पिटल येथे नेण्यात आले, पण डॉक्टरांनी तपासणीदरम्यान बाळाचा मृत्यू झाल्याचे घोषित केले. या घटनेची आकस्मिक मृत्यूची नोंद (A.D.) चिपळूण पोलीस ठाण्यात करण्यात आली असून, पुढील तपास सुरू आहे. या दुर्दैवी घटनेमुळे राणे कुटुंबावर शोककळा पसरली असून परिसरात हळहळ व्यक्त केली जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
