चिपळूण तालुक्यातील एका वादग्रस्त प्रकरणात, मालकीच्या जागेत अनधिकृतपणे प्रवेश करून घराची तोडफोड करत सुमारे दोन लाख रुपयांचे नुकसान केल्याप्रकरणी चौघांवर गुन्हा दाखल करण्यात आला आहे. पुणे कोथरूड येथील रहिवासी माधुरी शेखर सावंत (वय ५९) यांनी याबाबत चिपळूण पोलिस ठाण्यात फिर्याद दिली आहे.
पोलिसांकडून मिळालेल्या माहितीनुसार, ही घटना २९ सप्टेंबर ते २६ ऑक्टोबर २०२५ या कालावधीत चिपळूण येथे घडली असून, फिर्याद २७ ऑक्टोबर रोजी सायं. ५.५९ वाजता दाखल करण्यात आली.
या प्रकरणी वसंत गोविंद भडवलकर, वनिता वसंत भडवलकर, संतोष वसंत भडवलकर आणि रणजित वसंत भडवलकर (सर्व रा. वैजी, ता. चिपळूण) यांना आरोपी करण्यात आले आहे.
फिर्यादीच्या म्हणण्यानुसार, आरोपींनी त्यांच्या मालकीच्या जागेत जबरदस्तीने प्रवेश करून ‘माधुरी शेखर सावंत’ नावाचा लोखंडी बोर्ड तोडला आणि त्यांनी बांधलेल्या घराची जाणीवपूर्वक तोडफोड केली. या कृत्यात सुमारे दोन लाख रुपयांचे नुकसान झाल्याचा अंदाज वर्तविण्यात आला आहे.
या गंभीर प्रकरणी भारतीय दंड संहिता कलम ३२९ (३), ३२४(५) आणि ३(५) अंतर्गत गु.र.नं. २४५/२०२५ नुसार चौघा आरोपींविरुद्ध गुन्हा दाखल करण्यात आला असून, पुढील तपास चिपळूण पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
