खेड तालुक्यातील एका तरुणाच्या बेपत्ता होण्याची धक्कादायक घटना समोर आली आहे. परवेज अन्वर सहिबोले (वय ३६) हे ९ ऑक्टोबर रोजी सकाळी घरातून बाहेर पडले, परंतु ते अद्याप घरी परतलेले नाहीत. गेल्या चार दिवसांपासून त्यांच्या कुटुंबीयांचा त्यांच्याशी काहीही संपर्क झालेला नाही.
परवेज यांनी त्या दिवशी सकाळी ७ वाजता “भोस्ते मोहल्ल्यात जातो” असे सांगून घर सोडले होते. मात्र त्यानंतर ते परतलेच नाहीत. त्यांचा मोबाईल फोन सुद्धा सतत बंद येत आहे, ज्यामुळे त्यांच्या शोधात अडथळा निर्माण झाला आहे. कुटुंबीयांनी सर्व नातेवाईक, मित्रमंडळी, आणि ओळखीच्या ठिकाणी शोध घेतला, परंतु परवेज यांचा कुठेही थांगपत्ता लागलेला नाही.
या घटनेची तक्रार त्यांची पत्नी जुबेदा परवेज सहिबोले यांनी खेड पोलीस ठाण्यात दाखल केली आहे.
परवेज सहिबोले यांची उंची ५ फूट ९ इंच, रंग सावळा, चेहरा गोल, केस काळे व मध्यम लांबीचे, तसेच मध्यम वाढलेली दाढी आहे. बेपत्ता होण्याच्या वेळी त्यांनी चॉकलेटी चेक्सचा शर्ट, काळी ट्रॅक पॅन्ट, व पावसाळी बूट परिधान केले होते. त्यांच्याकडे रेडमी कंपनीचा
मोबाईल फोन होता. सध्या त्यांच्या पत्नी आणि ११ व १३ वर्षांच्या दोन मुलांवर मोठे मानसिक संकट ओढवले आहे. खेड पोलीसांनी परवेज यांचा शोध सुरु केला असून, नागरिकांना आवाहन करण्यात आले आहे की, कोणालाही परवेज यांच्याबाबत माहिती मिळाल्यास तात्काळ खेड पोलीस ठाण्याशी संपर्क साधावा.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
