दापोली – दापोली-दाभोळ रोडवरील श्रद्धा ऑटोमोबाईल पेट्रोल पंप येथे पेट्रोल भरताना ग्राहकाकडून अधिकचे पैसे मागण्यात आल्याचा धक्कादायक प्रकार समोर आला आहे. या प्रकरणी जालगाव (ता. दापोली) येथील राजाराम रामा जालगावकर यांनी तहसील कार्यालयाकडे लिखित तक्रार दाखल केल्याने एकच खळबळ उडाली.
मिळालेल्या माहितीनुसार, दिनांक १४ ऑक्टोबर २०२५ रोजी जालगावकर हे आपल्या दुचाकी (क्र. MH08 3343) मध्ये पेट्रोल भरण्यासाठी श्रद्धा ऑटोमोबाईल पेट्रोल पंप येथे गेले होते. तेव्हा पंपवरील ऑपरेटरने त्यांना ४९९ रुपये किमतीचे पेट्रोल भरल्याचे सांगितले. मात्र जालगावकर यांनी पावती मागितल्यावर पावतीवर फक्त ₹४३९.९३ एवढेच बिल नोंदवलेले आढळले — म्हणजेच सुमारे ₹६० रुपयांची अधिक मागणी झाल्याचे स्पष्ट झाले.
याबाबत त्यांनी तत्काळ पंपावरील अधिकाऱ्यांकडे तक्रार केली, मात्र तेथून कोणतीही दाद न मिळाल्याने अखेरीस त्यांनी दापोली तहसील कार्यालयातील पुरवठा विभागाकडे लिखित तक्रार दाखल केली आहे.
या घटनेनंतर तहसील कार्यालय आता या प्रकरणाची चौकशी करणार असल्याची माहिती मिळाली आहे. पुरवठा विभाग पुढील कारवाई कशी करतो याकडे सर्वांचे लक्ष लागले आहे.
अशा प्रकारे बऱ्याच पेट्रोल पंपावर आपली फसवणूक होऊ शकते तरी आपण सावध राहून काळजी घेणे गरजेचे आहे.
काही दिवसापूर्वी दापोलीतील आणखी एका पंपावर बाहेरील डिजिटल बोर्ड वरती प्राईज वेगळी आणि पंपाच्या मशीन वरती प्राइस वेगळी होती त्याची त्यांना जाणीव करून दिलेली आहे. बऱ्याच ठिकाणी पेट्रोलची क्वालिटी ही चेक करायला पाहिजे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
