दापोली : आगामी दिवाळी सणाच्या पार्श्वभूमीवर स्थानिक महिला व लघु उद्योजकांनी दापोलीत “स्वामी भव्य ग्राहक पेठ” या अनोख्या प्रदर्शन-विक्री मेळाव्याचे आयोजन केले आहे. हा मेळावा १० ते १४ ऑक्टोबर २०२५ या कालावधीत डॉ. बाळासाहेब सावंत कोकण कृषि विद्यापीठाच्या शैक्षणिक संग्रहालयात भरविण्यात येणार असून, दररोज सकाळी १० ते रात्री ८ वाजेपर्यंत खुला राहणार आहे.
या ग्राहक पेठेत स्थानिक हातकला, पारंपरिक कला, तसेच घरगुती उत्पादनांना विशेष स्थान देण्यात आले आहे. सावंतवाडी लाकडी खेळणी, मातीच्या वस्तू, ज्यूटच्या ओटीच्या पिशव्या, साड्या, ड्रेस, गोधडी, सोलापुरी चादरी, बेडशीट, ब्लॅंकेट, टॉवेल, घरगुती मसाले, गायीचे तूप, मोदक, दिवाळी फराळ, तसेच पारंपरिक मराठी दागिने, मातीच्या पणत्या, कंदील आणि रांगोळीचे साहित्य असे विविध आकर्षक स्टॉल्स येथे उपलब्ध असणार आहेत.
यासोबतच कोकणी खाद्यपदार्थांचे विविध स्टॉल्स नागरिकांना चविष्ट अनुभव देणार आहेत. या उपक्रमाद्वारे स्थानिक उत्पादक व महिला उद्योजकांना प्रोत्साहन देण्याचा उद्देश आहे.
‘स्वामी भव्य ग्राहक पेठ’ ही केवळ विक्रीपेठ नसून, कोकणातील स्थानिक हातकलेचा, परंपरेचा आणि उद्योजकतेचा उत्सव ठरणार आहे.
दिवाळीची खरेदी, एकाच ठिकाणी – दापोलीतच!
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
