शिरगावमध्ये तळसर परिसरातील कदमवाडी येथे गणपती सणासाठी मुंबईहून गावी आलेल्या महेश विष्णू कदम (वय ३५) या तरुणाचा विहिरीत बुडून मृत्यू झाल्याची दुर्दैवी घटना घडली आहे.
महेश दोन दिवसांपूर्वीच गावी आला होता. आज (शनिवार) दुपारी साडे दोनच्या सुमारास वस्तीतील मुलांसोबत विहिरीत पोहण्यासाठी गेला असता ही दुर्घटना घडली. काही वेळ पोहताना त्याने दोन-तीनदा उडी मारली, मात्र दुर्दैवाने तो वर आला नाही.
दरम्यान, घटना लक्षात येताच भाऊ योगेश कदम यांनी धाव घेतली. मात्र विहीर खोल असल्याने शोधमोहीमेत अडचणी आल्या. बराच वेळ प्रयत्नांनंतर गळ टाकून महेशचा मृतदेह बाहेर काढण्यात आला.
महेश कदम यांनी दहावीपर्यंतचे शिक्षण तळसरमध्ये घेतले होते. गेली आठ वर्षे ते बेलापूर येथील एका हॉटेलमध्ये आचारी म्हणून कार्यरत होते. त्यांच्या पश्चात आई-वडील, भाऊ वैभव (सैनिक) आणि योगेश (शेतकरी) असा परिवार आहे.
घटनेची माहिती पोलिसांना देण्यात आली असून मृतदेह शवविच्छेदनासाठी शिरगाव प्राथमिक आरोग्य केंद्रात नेण्यात आला आहे. या दुर्दैवी घटनेने तळसर कदमवाडीत हळहळ व्यक्त केली जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
