दापोली शहरात अवैध मटका जुगार खेळणाऱ्या एका व्यक्तीला दापोली पोलिसांनी रंगेहाथ पकडले. आरोपीकडून पोलिसांनी रोख रक्कम आणि जुगाराचे साहित्य जप्त केले आहे.
पोलिसांनी दिलेल्या माहितीनुसार, दापोली शहरातील पथीक हॉटेलच्या बाजूला असलेल्या गल्लीमध्ये एका टपरीच्या आडोशाला आरोपी निलेश विद्याधर तवसाळकर (वय ४९ वर्षे, रा. पाळंदे भंडारवाडा, सध्या रा. आनंदवन जालगाव दापोली) हा बेकायदेशीरपणे बिगर परवाना मटका जुगार खेळत असल्याची माहिती पोलीस नाईक राजेंद्र तुकाराम नलवडे यांना मिळाली.
मिळालेल्या माहितीच्या आधारे पोलिसांनी घटनास्थळी छापा टाकला. त्यावेळी आरोपी निलेश तवसाळकर हा मटका जुगार खेळताना मिळून आला. पोलिसांनी त्याला ताब्यात घेतले. त्याच्याकडून ७९०/- रुपये रोख रक्कम आणि ०७/- रुपये किंमतीचे जुगाराचे साहित्य, असे एकूण ७९७/- रुपयांचा माल जप्त करण्यात आला आहे.
याप्रकरणी पोलीस नाईक राजेंद्र नलवडे यांच्या फिर्यादीवरून दापोली पोलीस ठाण्यात महाराष्ट्र जुगार प्रतिबंध कायदा कलम १२ (अ) प्रमाणे गुन्हा दाखल करण्यात आला आहे. पुढील तपास दापोली पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
