गुहागर तालुक्यातील झोंबडी काजळीवाडी येथील पिण्याच्या पाण्याच्या विहिरीमध्ये गुरुवारी एक सडलेला कोल्हा आढळून आला. कोल्हा पाण्यात अनेक दिवस राहिल्यामुळे तो सडलेला होता आणि त्यावर जंतू निर्माण झाले होते. यामुळे विहिरीचे पाणी दूषित झाले आणि परिसरात तीव्र दुर्गंधी पसरली, त्यामुळे गावकऱ्यांच्या आरोग्यावर गंभीर परिणाम होण्याची भीती निर्माण झाली.
घटना समजताच झोंबडी ग्रामपंचायतीचे सरपंच अतुल लांजेकर, उपसरपंच प्रणाली पवार, सदस्य मयुरी लांजेकर, ग्रामसेवक गोरख सोनवणे, दिपक गायकवाड आणि आशासेविका साक्षी सरदेसाई यांनी घटनास्थळी जाऊन तातडीने विहीरमधून मृत कोल्हा बाहेर काढला.
त्यांनी ग्रामस्थांना समजावून घेऊन सुरक्षिततेच्या उपाययोजना सुरू केल्या. विहीरमधील पाणी उपसा करून स्वच्छता आणि निर्जंतुकीकरणाचे काम शुक्रवारी सुरू करण्यात आले. यावेळी गटविकास अधिकारी शेखर भिलारे आणि कार्यकारी अभियंता दिप्ती धारप यांच्याशी संपर्क साधण्यात आला. त्यांनी सहाय्यक अभियंता गिरीश पापरकर व पवार यांना घटनास्थळी भेट देण्याचे निर्देश दिले. विहिरीचे क्लोरिनेशन व पाण्याची तपासणी करून घ्यायची प्रक्रिया सुरू करण्यात आली आहे.
आरोग्याची तातडीने काळजी घेण्यासाठी वैद्यकीय अधिकारी डॉ. सुप्रीम कांबळे, आरोग्य केंद्र तळवलीचे अधिकारी वैभव जाधव व मदन जानवळकर यांनी घटनास्थळी भेट देऊन नागरिकांसाठी शनिवार, दि. 29 रोजी आरोग्य तपासणी शिबिर आयोजित करण्याचे आश्वासन दिले. सरपंच अतुल लांजेकर यांनी नागरिकांची वैयक्तिक विचारपूस करत तातडीने उपाययोजना राबविण्याचे काम पाहिले असून, ग्रामपंचायतीच्या प्रयत्नांमुळे गावकऱ्यांमध्ये आरोग्य धोका टळण्याची अपेक्षा आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
