रत्नागिरी तालुक्यातील गणपतीपुळे येथे देवदर्शनासाठी कुटुंबासह पेण-रायगड येथून आलेल्या पर्यटकातील तरुण अद्याप बेपत्ताच. पोलिस, जीवरक्षक व स्थानिकांकडून त्यांचा शोध सुरु आहे. नितीन शंकर पवार (वय ३५, रा. हमरापूर-पेण, जि. रायगड) असे गणपतीपुळे समुद्रात बेपत्ता झालेल्या तरुणाचे नाव आहे. ही घटना शनिवारी (ता.
२५) सायंकाळी पाच वाजण्याच्या सुमारास घडली होती. मिळालेल्या माहितीनुसार शनिवारी रायगड-पेण मधून पर्यटनासाठी गणपतीपुळे येथे आले होते. हे कुटुंब समुद्राच्या पाण्यात आंघोळीसाठी उतरले होते. हे पिता-पुत्र बुडत असल्याचे लक्षात येताच अडीच वर्षाचा मुलगा- अयांश नितीन पवार याला फोटोग्राफर रोहित चव्हाण यानी वाचविले होते. मात्र त्याचे वडिल नितीन पवार हे समुद्राच्या पाण्यात बेपत्ता झाले. अयांश याला वाचविल्यानंतर पर्यटनासाठी आलेल्या डॉ. प्रणाली हरदारे (भिवशी-निपाणी) यांनी त्यांच्यावर प्राथमिक उपचार केले व गणपतीपुळे येथील खासगी रिक्षाने ताबडतोब मालगुंड प्राथमिक आरोग्य केंद्र येथे नेण्यात आले.
तेथील वैद्यकीय अधिकारी पवार यांनी तत्काळ त्याच्यावर उपचार करुन त्याची प्रकृती स्थिर करण्याचे काम केले व अधिक उपचारासाठी जिल्हा शासकीय रुग्णालयात आणले होते. त्याची प्रकृती स्थिर आहे. या बाबत अधिक तपास जयगड पोलिस ठाण्याचे पोलिस निरीक्षक संजय पाटील व त्यांचे सहकारी तसेच गणपतीपुळे जीवरक्षक व्यावसायिक, ग्रामस्थ व पोलिस कर्मचारी शोध घेत आहेत. मात्र पाच दिवस उलटून गेले अद्यापही पर्यटक बेपत्ता नितीन पवार यांचा शोध सुरुच आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
