रत्नागिरीतील एका खुनाच्या गुन्ह्यात कोल्हापूर मध्यवर्ती कारागृहात शिक्षा भोगत असलेला कैदी संचित (पॅरोल) रजेवर बाहेर आला होता.
🔴 तुम्हाला कोकणातल्या बातम्या
पाहायच्या असतील तर कोकण कट्टा Live च्या whatsapp ग्रुपमध्ये सहभागी व्हा
https://chat.whatsapp.com/Lfog3VaK6G32AY4ejSaFTi
👉🏻 आपल्याला जाहिरात आणि बातम्या द्यायच्या असतील तर संपर्क करा 9960151909
आपली रजेची मुदत संपल्यावरही कारागृहात हजर राहिला नसल्याने या कैद्याविरोधात रत्नागिरी शहर पोलिस ठाण्यात गुन्हा दाखल करण्यात आला आहे.
तो जन्मठेपेची शिक्षा भोगत आहे. मुईन मोहम्मद युसुफ काझी ऊर्फ मोईन उर्फ रॉनी ब्रिगेन्झा ऊर्फ हेमंत शहा (रा. आशियाना मंजिल, आशीर्वाद सोसायटी, उत्कर्षनगर, कुवारबाव, रत्नागिरी) असे त्याचे नाव आहे.
या संशयित आरोपीवर ग्रामीण पोलिस ठाण्यात खुनाचा गुन्हा दाखल आहे. त्याला या गुन्ह्यात न्यायालयाने २०१५ ला जन्मठेप आणि १२ हजार दंड, तो न भरल्यास १४ महिने करावासाची शिक्षा सुनावली होती. ही शिक्षा भोगण्यासाठी त्याची रवानगी कोल्हापूर मध्यवर्ती कारागृहात करण्यात आली होती.
दरम्यान, पश्चिम विभाग येरवडा, पुणेचे कारागृह उपमहानिरीक्षकांच्या आदेशानुसार या आरोपीला ८ जुलै ते ४ ऑगस्ट २०२३ या २८ दिवसांच्या संचित रजेवर सोडण्यात आले होते; परंतु रजेचा कालावधी संपल्यावर तो ५ ऑगस्टला कोल्हापूर मध्यवर्ती कारागृहात हजर होणे अपेक्षित होते;
परंतु तो हजर झालेला नाही. त्यामुळे अनधिकृतपणे कारागृहाबाहेर वास्तव्य करत असल्यामुळे त्याच्या विरोधात शहर पोलिस ठाण्यात हा गुन्हा दाखल करण्यात आला आहे
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
