खेड तालुक्यातील ऐनवरे-फौजदारवाडी येथे एका महिलेला बेकायदेशीररीत्या जमाव जमवून काठीने मारहाण केल्याप्रकरणी आणि ठार मारण्याची धमकी दिल्याप्रकरणी खेड पोलीस ठाण्यात 10 महिलांविरुद्ध गुन्हा दाखल करण्यात आला आहे. या घटनेमुळे परिसरात खळबळ उडाली असून पोलिसांनी या प्रकरणाचा तपास सुरू केला आहे.
या प्रकरणी तक्रारदार रोहिणी सुभाष जाधव (वय ३५, रा. ऐनवरे-फौजदारवाडी) यांनी दिलेल्या माहितीनुसार, संबंधित संशयित महिलांनी तक्रारदार महिलेला वाळीत टाकल्याची एक क्लिप सोशल मीडियावर व्हायरल झाली होती. याच कारणावरून संशयित महिलांच्या मनात राग होता. या रागातूनच १६ फेब्रुवारी रोजी दुपारी ३ वाजण्याच्या सुमारास सर्व संशयित महिलांनी एकमेकांच्या संगनमताने बेकायदेशीर जमाव जमवला.
यावेळी त्यांनी रोहिणी जाधव यांना बांबूच्या काठीने बेदम मारहाण केली आणि अर्वाच्य भाषेत शिवीगाळ करत जीवे मारण्याची धमकी दिली.
याप्रकरणी पोलिसांनी सुप्रिया सुहास जाधव, राखी राकेश जाधव, सुवर्णा सुभाष जाधव, मंगला संदीप जाधव, वनिता जाधव, अजिता अजित जाधव, सुगंधा तुळशीराम जाधव, सुमन पाडुंरंग जाधव आणि अरूणा मधुकर जाधव यांच्यासह अन्य एका महिलेवर गुन्हा नोंदवला आहे. या प्रकरणाचा अधिक तपास खेड पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
