गुहागर तालुक्यातील भातगाव येथील शासकीय वाळू डेपोवरील ३ कामगारांना ते झोपेत असताना त्यांच्या खोलीत प्रवेश करून चौघांनी मारहाण केल्याची घटना गुरूवारी घडली.
या प्रकरणी गुहागर पोलिसांनी विराज विजय कदम (३२, भातगाव, तिसंग) याला शनिवारी अटक करण्यात आली असून पसार झालेल्या तिघांचा शोध सुरू आहे.
वाळू व्यवहारातील रकमेवरून वाद झाल्याचे प्राथमिक तपासात पुढे आले.
भातगाव तिसंग येथील शासकीय वाळू डेपोवरील क्रेन ऑपरेटर मोहन गणपत महतो (४३), निलकंठ महतो, धनु महतो हे तिघे कामगार असून १९ फेब्रुवारी रोजी रात्री ८ च्या सुमारास भातगाव तिसंग येथील खोलीवर जेवण करून झोपले होते.
२० रोजी रात्री १ च्या सुमारास या तिघांना चौघांनी येऊन दांडक्याने मारहाण करत जखमी करून काळोखात पसार झाले.
या तीनही कामगारांवर जिल्हा रूग्णालयात उपचार सुरू आहेत.
या प्रकरणी गुहागर पोलीस ठाण्यात त्या ४ अज्ञाताविरोधात गुन्हा दाखल झाला आहे.
तर आरोपींपैकी विराज कदम यांना २२ फेब्रुवारी रोजी अटक करण्यात आली.
त्याला न्यायालयात हजर केले असता २४ फेब्रुवारीपर्यंत पोलीस कोठडी सुनावण्यात आली.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
