राज्यभरातील हजारो गुंतवणूकदारांची कोट्यवधी रुपयांची फसवणूक करून फरार झालेल्या टीडब्ल्यूजे (TWJ) कंपनीच्या संचालक संकेश घाग याला अखेर चिपळूण पोलिसांनी अटक केली आहे.
गेल्या अनेक दिवसांपासून पोलिसांकडून सुरू असलेल्या शोध मोहिमेला यश आले असून, आज संकेश घागला चिपळूण न्यायालयात हजर करण्यात आले.
या अटकेची बातमी समजताच फसवणूक झालेल्या गुंतवणूकदारांनी चिपळूण पोलीस ठाणे व न्यायालय परिसरात मोठी गर्दी केली होती. टीडब्ल्यूजे कंपनीने जादा परताव्याचे आमिष दाखवून राज्यभरातील हजारो गुंतवणूकदारांकडून हजारो कोटी रुपयांची गुंतवणूक करून घेतली होती.
मात्र, मागील काही महिन्यांपासून कंपनीचे संचालक व व्यवस्थापकीय संचालक (एमडी) गायब झाल्याने गुंतवणूकदारांमध्ये तीव्र अस्वस्थता निर्माण झाली होती.
संकेश घाग पोलिसांच्या ताब्यात आल्याने या प्रकरणातील मुख्य सूत्रधार व कंपनीचा एमडी समीर नार्वेकर याचा शोध घेण्याचा मार्ग मोकळा झाला आहे. त्यामुळे फसवणूक झालेल्या गुंतवणूकदारांच्या आशा पुन्हा एकदा पल्लवित झाल्या आहेत. यापूर्वी संतप्त गुंतवणूकदारांनी आपली गुंतवणूक परत मिळावी यासाठी अनेक वेळा मोर्चे व आंदोलनाचा इशारा दिला होता.
दरम्यान, न्यायालय संकेश घागला किती दिवसांची पोलीस कोठडी सुनावते आणि पोलीस तपासातून आणखी कोणती महत्त्वाची माहिती समोर येते, याकडे सर्वांचे लक्ष लागून राहिले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
