दापोली शहराला पाणीपुरवठा करणारी मुख्य पाईपलाईन नवानगर परिसरात अचानक फुटल्याने शहराच्या पाणीपुरवठ्यावर परिणाम झाला आहे. सदर पाईपलाईन दुरुस्तीचे काम दापोली नगर पंचायत प्रशासनाकडून युद्धपातळीवर सुरू असून, पुढील दोन दिवस शहरातील नागरिकांना कमी दाबाने तसेच अनियमित वेळेत पाणीपुरवठा होण्याची शक्यता वर्तविण्यात आली आहे.
नवानगर परिसरातील पाईपलाईन फुटल्याचे निदर्शनास येताच नगर पंचायत प्रशासनाने तातडीने दुरुस्तीचे काम हाती घेतले. संबंधित अधिकारी व कर्मचारी घटनास्थळी दाखल होऊन आवश्यक यंत्रसामग्रीच्या साहाय्याने पाईपलाईन दुरुस्तीचे काम सुरू आहे.
पाणीपुरवठा सुरळीत करण्यासाठी सर्वतोपरी प्रयत्न केले जात असल्याची माहिती प्रशासनाने दिली. या कालावधीत नागरिकांनी पाण्याचा वापर अत्यंत काटकसरीने करावा, अनावश्यक पाणी वापर टाळावा तसेच उपलब्ध पाण्याचा जपून उपयोग करावा, असे आवाहन दापोली नगर पंचायत प्रशासनाच्या वतीने करण्यात आले आहे.
नागरिकांच्या सहकार्यामुळे दुरुस्तीचे काम लवकर पूर्ण होऊन पाणीपुरवठा पूर्ववत होण्यास मदत होणार असल्याचे प्रशासनाने स्पष्ट केले आहे. दुरुस्तीचे काम पूर्ण झाल्यानंतर शहरातील पाणीपुरवठा सुरळीत करण्यात येईल, अशी माहिती देत नागरिकांनी प्रशासनास सहकार्य करावे, असे आवाहन दापोली नगर पंचायत, दापोली यांच्या वतीने करण्यात आले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
